منو الأداني طولة البال وغيرومنو السمح والفا
ليا يجود ومابيمسك عليا من الصفات إجمال
دا هو القدمني لي قدام وشيلني العتاد أحمال
كتير العرفو أبويا بلاي بيعرفو ليهو ستر الحال
حلال لي المشاكل كل بي كلاما قليل دلال
أبوي راجلا قوي وصنديد أبوي سياف أبوي خيال
فارس الحوبة أبويا براي وفوق كل الرجال رجال
وفي شخصيتو تتجسد معاني الرحمة والإبسال
دة هو الصوام وهو القوام بيصدق علي المسكين بتخفي يمينو مداتو الكتار وتقال
أبوي برد هجير الصي أبوي مطر الجفاف سيال
أبوي الغيم أبوي الضل أبوي طوفان أبوي شلال
أسالو عن أبوي النار تقول دة عدوي وما بساعدني في الإشعال
وأسألو عن أبوي الموج يقول سباح ومابقدر عليهو محال
وأسألو عن أبوي الريح تقول دة جواد وأجود مني في مرسال
فتشو لي ابويا مثيل محال تتطابق الأمثال
لانو وحيد ونوعو فريد وكان طفت البلاد جوال
وصفي أنا ليهو مابيكمل دة وصفو كتير ومابتقال
لانو بطل صفاتو بطل محال تتطابق الابطال
يديك العمر يابوي وتصبح كل سنينو طوال